三國鼎足爭個爐

今晚去左燒野食，全場爆滿。好在有我媽一齊去，否則不可能在短短半小時內霸到爐。
不過卻係同人地分左半個爐！

有一班靚仔男男女女十多人，我媽唔知點樣令到佢地肯讓半個爐出黎分俾我地。
咁都好過無得燒呀。

我媽應成幫佢地看住D野，等佢地可以去玩，玩完番黎可以繼續燒。
點知唔夠三個字，有位太太走埋黎問跟爐，期中一個女仔又應成借半個爐俾佢。
都無問題啦，反正我地四丁友半個爐都夠燒。

又三個字之後，黎料啦，果個太太身後突然出現左十幾個小學生咁的細路！
已經開始滴汗，個爐咁細，十個人都叫做迫迫地坐得落。
依傢成十四五個人，就真係針都插唔入，仲要連個班最先黎的靚仔都返左三四個黎。
（期中有D見到咁多人就閃左）

結果，我地啦啦臨燒完就閃左，成為左燒得最快的一次。